神探伽俐略(三姑六婆篇)

時光倒流，回到2008年12月29日上午。

三姑：喂，六婆呀，今晚去唔去睇X呀？
六婆：乜嘢X呀？
三姑：【嫌疑犯X的獻身】呀！
六婆：乜嚟架？
三姑：福山雅治嗰齣呢~~~
六婆：哦，係咪……伽俐略呀？
三姑：乜話？【色慾伽俐略】？！邊個做俾你睇呀？
六婆：我講緊【神探伽俐略】呀，你聽乜架白癡婆！

~‧~‧~‧~‧~‧~‧~‧~‧~‧~‧~‧~‧~‧~‧~

電影散場後……

六婆：喂，你要記住我對你有「一湯之恩」呀！
三姑：你講乜呀？
六婆：人哋 (指石神) 收咗份薄禮就可以咁大犧牲，我今晚請你飲龍蝦湯喎，你點報答我先？
三姑：(費事睬佢~~~)

~‧~‧~‧~‧~‧~‧~‧~‧~‧~‧~‧~‧~‧~‧~

落到bc樓下，三姑說要去買電影原聲大碟……

三姑：唔該，有冇【嫌疑犯X的獻身】嘅 soundtrack 呀？
店員：吓？
三姑：【嫌疑犯X的獻身】嘅 soundtrack 呀！
店員：乜話？
六婆：即係神探伽俐略套電影呀。宜家做緊嗰齣呢~~~
店員：哦。我哋冇入喎。

(離店後)

三姑：有冇搞錯？！套電影播緊都唔入貨？仲要唔知我講乜添！
六婆：你講嗰名，淨係粉絲先至識架咋！
三姑：乜呀，張海報明明大大個X字……

[栗按：不過齣電影真係一個X字都冇提過喎~~~]

~‧~‧~‧~‧~‧~‧~‧~‧~‧~‧~‧~‧~‧~‧~

故事到最後，就係三姑一個人飛奔去信和入貨。完。