無聊戲話 (PG家長指引)

甲：點解【十二猴子】個封面，一隻馬騮都冇嘅？
乙：「十二猴子」係個組織名嚟架。
甲：吓？我以為會有馬騮添......

甲：我睇完【十二猴子】，要再煲埋【三隻猴子】，然後寫一篇「十五猴子」
乙：(呢條友係咪俾老板點到傻咗呀？)

甲：你想睇四仔？我借隻【慾斷難斷】俾你啦。
乙：【慾斷難斷】？係咪應該借【肉斷難斷】俾我先至啱呢？
甲：信我啦，【慾斷難斷】係四仔嚟架。
乙：好，即管信你。如果睇完我唔流鼻血架話，我打你架！
甲：吓？咁都係等我打你兩拳，等你流定啲鼻血先啦~~~

甲：齣【零點追兇】唔錯喎，夠緊張刺激！
乙：你不嬲都鍾意法國佬架啦。
甲：關乜事？！我貪法國片夠短咋。一年要睇200幾齣，唔揀啲短嘅嚟睇唔得。
乙：哈，等我睇多啲AV，爬你頭先！
甲：你因住流鼻血不止喎......